 |
|
|
|
Leef Donderböl en Bölkes, Ein nuuj seizoen sjteit veur de deur, 2010 in al zien glory…maar eers naeme veer aafsjied van de Prinse van 2009. En auch ich es Vors wil dao netuurlijk biej sjtil sjtaon. Want op zaoterdig 2 jannewari zulle Prins Koen I en Jeugprins Jeremy I aaftraeje en det zal mit veul waerde gebeure. Es Vors waas ich greuts op twee zo’n sjoon kaerels, Jeugprins Jeremy I en Prins Koen II , veur mich perseunlijk gein onbekinde, al jaore ware Jeremy en Koen biej de Donderböl om vastelaovend te viere. En zo höbbe ze es ervare jongens heur taak same mit de adjudante dan auch heel good volbrach. Ein sjooner prinsen duo had ich mich es Vors neet kinne winse. Ich wil ze gaer beide van harte bedanke en auch heur adjudante en femilieleje wil ich neet vergaete en zegk ich bedank veur uch sjteun en inzet nao dees twee Prinse. Want eine Prins kint ut neet allein, hae haet ein gevolg neudig veur de sjteun om ein seizoen succesvol temake. En dat waas ut ein zeer succesvol seizoen, en det belaof weer heel get veur ut kommende seizoen! Op zondig 3 Jannewari zal ich es Vors Rick, de nuuje veurgengers van v.v. de Donderböl installere. Ut is sjpannend waem zal ut waere….idderein is gesjpanne….idderein is op zien hoede….zol dae ut waere, of zol dae ut waere…of mesjiens toch dae….jaaa….waem zol ut toch zeen? Ein dink is zeker op zondig 3 Jannewari wete veer ut en dae daag is sjoon aangekleid, zowiej geweunlijk is deDonderie weer helemaol in Donderböl sjtiel aangekleid. De bühne zal door BAS in ut thema van de Flintstones aangekleid waere, en zelfs Fred Flintstone (Michel Opbroek) en Barney (Frans Opbroek) zulle versjiene….en mesjiens zelfs de enige echte Wilma (Timmermans). Dus det moog geer ech neet misse! Ich wil idderein dae zien sjteinke geit biejdrage aan dit kommende seizoen alvas van herte danke, geer waerd door mich zeer gewaardeerd veur uch biejdrage. Ich kin ut neet vaak genog ongesjtrepe, zonger de sjteun van mien vrouw, mien femilie, de Prinse, heur adjudante, de raod van elf, heur vrouwe, ut besjtuur, en alle miense die os ein werm hert toedrage waas dit allemaol neet meugelijk veur mich om vol te haaje! Miense veur uch allemaol ein heel sjoon seizoen toegewins, en aan idderein ein heel sjoon en gezondj 2010, sjoone vastelaovend, Vors Rick.
|
©
V.V De Donderböl 2008