Proklemasie Jeugprins Kay I in ut jaor 2012.

Veer, jeugprins Kay I van V.V. De Donderböl,

Gebaore en getaoge in ut riek van de Haofgengers, maar mit hert en zeel eine Donderbol.

Zoon van Marco en Yvonne Merten, die mich twelf jaor geleje op de waereld höbbe gezat.

Breurke van Dondersjtraol Denise, die mich ut vastelaovesgeveul haet gegaeve.

Gaeve biej de grasie van V.V. De Donderböl te kinne det :

 Ten 1^de      Ich de 13^e jeugprins van V.V. De Donderböl bön.

 Ten 2^de      Ich neet haop det dit jaor ein ongelöksgetal is

 Ten 3^de      Ich voetbalsjter bön biej SVC 2000.

 Ten 4^de      Dit mien letste jaor op de Spoorzoeker is.

 Ten 5^de      Miene adjudant Richard miene beste vrundj is.

 Ten 6^de      Ich ouch zal probere om mit mien dansmaedjes mit te doon.

 Ten 7^de      Mich ut vastelaovesgeveul mit de paplaepel is ingegaeve.

 Ten 8^ste      Veer idder jaor in Duinrell op de camping sjtaon.

 Ten 9^de      Ich eerder dan miene Pap Prins bön bie V.V.de Donderböl

 Ten 10^de    Ich haop det veer d’r mit zien alle ein vet sjoon jaor van gaon make.

 Ten 11^de    Ich uch dit jaor veurgaon mit miene liefsjpreuk :

MIT EINE SMILE OP MIEN GEZICH

WEURT DEZE VASTELAOVEND VAN MICH.