Aeve aan uch veurstjelle:

De Jeugkomissie
Boave: Mitchell Dieters, John Lutgens, Marco Mertens en Pascal Mot (Veurzitter jeugzake)
 Oanger: Martijn Vos en Rob Oltshoorn

Deze groep van zes enthoezjaste raod van ellef leeje wille zich binne de vereniging inzitte veur de jeug van de vereniging. Veer als jeugkomissie zorge veur de begeleiding van de nuuje prins en adjudant toet ut oetroope, maar auch nao ut oetroope zulle veer de begeleiding vorme en ut aanspraekpunt blieve veur vraoge. Verder höbbe veer auch de jeugraod onger ose hoede. Natuurlik doon veer auch de begeleiding as ut sezoen veurbiej is en mot waere aafgetraoje. Op det moment mooge veer weer trots zeen mit ose nuuje aad jeugprins van V.V. De Donderböl.

Biej aktieviteite höbbe veer neet allein de begeleiding maar auch de presentatie in henj. As jeugkomissie höbbe veer eine waordveurder aangesteld dae ut waord duut op resepsies van anger jeugprinse en biej de prins van de Donderböl. Behalve wanneer veer de vors biej os höbbe duut dae ut waord names de jeug.