De Dondersjträöle en de Dondersjträölkes van V.V. De Donderböl!

Veer presentere uch de jeugdgarde en de grote garde van dit jaor, 11 maedjes in de jeugdgarde en 11 maedjes in de grote garde. Ziej zeen de paradepaerdjes van V.V. De Donderböl, euveral wao ze komme mooge ze heure dans laote zeen.

De jeugdgarde traint op dinsdagaovend van 19.00 toet 20.00 oer onger leiding van Audrey Krause, Rebecca van den Bos en Carmen Linnartz. De grote garde traint auch op dinsdagaovend van 20.00 toet 21.30 oer in de Donderie, onger de enthousiaste leiding van Rebecca van den Bos, Joëlla Dangerman en Carmen Linnartz.  dees persone zeen  auch de leidsters van de beide gardes.

Tiedes de training leereze stretche, sjpringe, danse en rekke, zodat ze allemaol ein bein kinne oppakke, de spagaat kinne en veural väöl oethaajingsvermoge opboewe om ein gans seizoen zoväöl te kinne danse! Want ze traeje op biej Prinsoetroope, op Prinserecepties, op Bontje Aovende, op vastelaovesmiddage en aovende en ze mooge auch mit oppe wage in de optoch!

Zeet geer benuujd nao de nuuje danse van oos gardes? Dan zeet geer van herte welkom om nao os te komme kieke dit seizoen, veer zeen trots op ose dans, op ose groep en op os vereniging, want veer zeen de Dondersjträölkes en Dondersjträöle van V.V.De Donderböl!

Hubt geer nao ut laeze van boave sjtaonde nog vraoge ?
Sjtuur òs gerus ein E-meeltje via damesgarde@donderbol.eu  en geer krieg antjwaord op al uch vraoge