 |
|
||||||||||||||||||||||||||||||||||||||||||||||||||||||||||||||||||||||||||||
|
Mooge veer uch veurstjelle: De Dondersjträöle en de Dondersjträölkes van V.V. De Donderböl! Veer zeen de dansgardes van V.V. De Donderböl, en al jaore zette veer os “beste beinke” veur , om veur de Prinse en ut publiek oose dans te laote zeen. Dit jaor höbbe veer ein grote garde: De Donderjsträöle en ein jeugd garde: De Dondersjträölkes. Veer traine ein gans jaor onger leiding van de trainsters: Audrey Krause, Rebecca van de Bos en Carmen Linnartz, van April toet aan de vastelaovend. Van heur leere veer wiej veer motte sjtaon, sjpringe en sjtretche, zo waerd van os verwach det veer allemaol in de sjpagaat kinne valle en auch allemaol ein “bein op kinne pakke”. Ziej make veur os de choreografie en bejslisse wiej de dans oet kump te zeen, maar veer moge auch es veer det wille zelf passe veriznne. Ut leukste is dan es de danse klaor zeen en veer oose nuuje dans aan ut publiek mooge laote zeen, en dan netuurlijk väöl applaus kriege, dan zeen veer “apetrots” en sjtraole veer wiej eine echte Dondersjtraol heurt te doon. Geer kint os herkinne aan die sjoon gardepekskes in de kleure van de Donderböl: ut bordeaux rood mit goud en wit, en aan os sjoon bodywarmers. Veer traeje idder jaor op biej ut Prinsoetroope, de Recepties, de Vastelaovend, de Bontje Aovende, de lichjesoptoch en veer mooge mit op de grote wage in de sjtadsoptoch, daonaeve trekke veer auch mit, mit de vereniging nao de recepties van anger jeug prinse en grote prinse. Dit is bes ein druk programma maar es ut dan veurbiej is dan is idderein weer druk bezig mit ut nuuje seizoen en kieke veer mit väöl sjpanning oet nao de meziek wao veer op mooge gaon danse! Es geer zin höbt om dit eine keer te zeen, dan mooge veer uch oetneudige om op al os activiteite van V.V. De Donderböl nao os te komme kieke, want wao de jeugd prins is, is auch de jeugdgarde en wao de grote Prins is, is auch de grote garde en die Prinse mooge es enige oos danse aanbeeje aan ut publiek en det doon die mit väöl plezeer! Maar veer motte noe nog efkes wachte toet de 11e van de 11e, want dan geit ut sjpeel weer beginne en mooge veer de pekskes weer aan, en oos nuuje dans laote zeen wao veer noe heel hel veur gaon traine! Alaaf!
Hubt geer nao ut laeze van boave sjtaonde nog
vraoge ?
|
|||||||||||||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||||||||||
|
Tekst: Carmen Linnartz © |
|||||||||||||||||||||||||||||||||||||||||||||||||||||||||||||||||||||||||||||
